Martxoaren 5ean, Secot Bizkaia-ren egoitzan, Fundación Vizcaína Aguirre (FVA)ren bisita jaso genuen.
FVA Secot Bizkaia-ren babesle bazkidea da, gure jardueraren ia hasieratik.
Gure Bilboko egoitzara etorri ziren Fuensanta de Icaza, lehendakaria, eta Juan de Icaza, FVA Patronatuaren ordezkari gisa, Reginarekin batera. Gure aldetik, 4 seniorrek eta elkarteko presidenteak, Jose Luis Agirrek, egin genien harrera.
Bisitan zehar, Secot Bizkaia-n garatzen ditugun jarduera ezberdinak azaldu genizkien, ekintzaileentzako aholkularitza arloan egiten dugun lana, Lanbide Heziketako zentroetan ikasleei lan-merkatura irteeran laguntzeko egiten dugun ekarpena eta jubilazio aktiboko proiektuak, bizitzako etapa berri honetara igarotzen lagunduz eta adineko pertsonei smartphonearen erabilera ikasten lagunduz ziber-haustura arintzeko; baita hainbat erakunde publikotan dugun parte-hartzea ere, lan-batzordeen bidez eta horiek antolatutako ekitaldietara joanez.
Fundación Vizcaína Aguirre-ren eta Secot Bizkaia-ren ordezkariek oso bilera atsegina izan genuen, Bizkaiko gizartean senior talentuaren presentzia sustatzearen garrantziaz iritziak trukatuz.
