Secot Bizkaiak, Carmen Gonzálezek ordezkatuta, Adinekoen Kontseiluko kide denak, ohore handiz parte hartu du Bizkaiko Foru Aldundiak Finlandiara bidali duen ordezkaritzan. Finlandiara bidali du ordezkaritza hori, Europako herrialde aurreratuenetakoa baita inklusioan, hiri-irisgarritasunean eta naturguneetan, turismo inklusiboaren eta irisgarriaren eta jasangarritasunaren arloko jardunbide egokiak zuzenean ezagutzeko.
Bidaia Leire Sáez Turismo foru-zuzendariak gidatu du, desgaitasun fisikoa, sentsoriala, kognitiboa eta komunikatiboa duten pertsonetan espezializatutako ordezkari eta teknikari batzuekin batera: ONCE Euskadi, Gaude Elkartea, Apnabi Autismo Bizkaia, Aspace Bizkaia, Euskalgorrak, Ulerluz eta Puntodis Irisgarritasun unibertsala.
Lana bilera batzuk egin ditugu Helsinkiko Udaleko turismo-zuzendariarekin eta turismo irisgarrian espezializatutako enpresariekin. Era berean, ingurune urbanoak, seinaleztapena, garraio-sistemak, parke nazionalak eta gune kulturalak aztertu ahal izan ditugu, ikuspegi kritiko eta konparatiboarekin.
Helburua Bizkaian pertsona guztientzako turismoa eskuragarri izatea bermatzea da.
Oso bidaia aberasgarria izan da, eta orain Foru Aldundiko sailetatik landu behar da, herritarren parte-hartzearekin batera, praktikara eramateko.
